La Komisiono de TEJO pri Aktivula Trejnado kunigas homojn kiuj volas trejni aliajn TEJO-membrojn pri tre diversaj temoj aŭ volas lerni kiel trejni aliajn. La komisiono kune elpensas temojn kaj planojn por trejnadoj okazontaj kadre de diversaj E-aranĝoj. Sube vi povas vidi la materialojn jam pretajn, disponeblajn. Uzu ilin kaj helpu plibonigi ilin, skribu ambaŭkaze al at@tejo.org !

Materialoj kaj trejnadoj laŭ temo

Landa agado

En ĉi tiu parto troviĝas materialoj, kiuj povas helpi al vi en gvidado de via landa aŭ loka organizo. La akso de ĉiu tiu sekcio estas la taskdivido por Landaj Sekĉioj, kiu sekve gvidas al pli detalaj eroj. Jen ĉio, kio aktuale disponeblas pri landa agado:

• Taskdividoj por Landaj Sekcioj
• Organizado de Esperanto-kurso
• Financa raportado
• Sistemoj de pagoj
• Statutoj kaj regularoj[dume malplena paĝo plenigenda per tio, kion ni jam kolektis]
• Grupaj kultur-interŝangoj

Organizado de eventoj

En ĉi tiu paĝo ni disponigas diversajn materialojn rilatajn al organizado de eventoj. Troveblas ĉi tie tasklistaro, multe malpli nova, sed daŭre sufiĉe aktuala manlibro, materialoj de TEJO-seminario kaj pluraj ekzemplaj dokumentoj de eventoj okazintaj en lastaj jaroj. Vidu pli ĉe la paĝo:

• Organizado de eventoj

Eksteraj rilatoj

Pri la temo de eskteraj rilatoj disponeblas detalaj priskriboj de ĉeestaj trejnadoj de TEJO kaj reta trejnado.

• Ĉeestaj trejnadoj:
  • Priskribo de la trejnado
  • Lingvopolitikaj pozicioj de TEJO
  • Internaciaj junularaj organizoj
  • Informoj pri Esperanto
  • Evaluado de la trejnado
  • [Komentojn, konsilojn bonvolu sendi al at@tejo.org.]
• Reta trejnado:
  • skribu al ni por partopreni en 16-parta reta kurso pri eksteraj rilatoj.

Gazetara komunikado

• kelkhora kurso pri gazetara komunikado. Bonvolu sciigi al ni at@tejo.org kiam vi uzas la trejnadmaterialon — dankon!

Intertraktado

• skribu al ni por partopreni en 12-parta kurso pri negocado.
• [+ materialoj de seminario en JES (alŝutota)]

Grupa agado

• skribu al ni por partopreni en kurso pri grupa agado. Ĝi daŭras 2-3 monatojn; bezonatas ĉiusemajne 2-4 horoj por ĝin sekvi, kaj partoprenas ĝin ne individuoj, sed 3-20-kapaj grupoj.

Subvencipetado (nova!)

• Per ĉi tiu trejnado vi havos la ŝancon akiri konojn (plurnivele aplikeblajn) pri la ĉefaj ŝtupoj de elpensado, strukturigo kaj prilaborado de subvencipropono. Krome, eblos praktiki ekde la unua ero la akiritajn konojn, tiel ke ili taŭge firmiĝu kaj ne restu je simple teoria nivelo.
• Se vi emas ektrejniĝi per tiu ĉi nova rettrejnado, bv. skribi al at@tejo.org, tiel ke niaj lertaj trejnistoj povu helpi vin pluevoluigi viajn kapablojn.

Novaj komitatanoj

• Vi unue legu la kolekton de informoj por novaj komitatanoj.
• Poste skribu al ni por partopreni en 7-parta kurso por novaj komitatanoj.

Reto 2.0

• Video-materialo divitaj en 3 partoj pri kiel pli efike varbi en sociaj retoj.

Materialoj kaj trejnadoj laŭ speco

En ĉi-supre menciitaj agadkampoj, la materialoj estas tre diversspecaj. Se vi ŝatus vidi liston de ĉio ordigita laŭ speco de la materialo, iru al:

• Katalogo[katalogo de ĉio laŭ speco (iom kiel nun ĉe https://tejo.org/eo/aktivula_trejnado kun aldono de mankantaj: helpaj/ekzemplaj materialoj, manlibroj; ĉio kun ligoj al koncertan pritemaj paĝoj laŭ la supra listo)]

Ĉu vi interesiĝas pli?

Ĉu vi pensas ke indas ke estu pli da agadoj, pli da temoj kovritaj? Vi tute pravas, abundas temoj pri kiuj ege bezonatas bonkvalita trejnadmaterialo libere disponebla por la aktivularo de TEJO. Kiom rapide ni povas ilin krei dependas nur de ni, de la laborkapablo de la komisiono de TEJO pri Aktivula Trejnado kaj ties helpantoj. Do novaj laborfortoj, interesiĝantoj, helpemuloj bonvenas ĉe la komisiono de TEJO pri aktivula trejnado. Pri nia agado, celo vi povas legi ĉe la sepa punkto de la laborplano: https://bit.ly/laborplano2013 , ĝi estas la minimumo, aliaj agadoj ankaŭ aldoneblas, se vi havas ideon. Se vi interesiĝas, helpemas, skribu al at@tejo.org retmesaĝon, specifante en ĝi vian intereson kaj disponeblan tempon (se vi estas malcerta pri io, indiku tion). La komisiono antaŭdankas vian helpon, ja kune ni atingas pli! Se vi ŝatus legi pli pri kial gravas aktivula trejnado, kiel ni trejnas, kiu trejnas, legu pli ĉi-tie.

Fot. ĉefa Łukasz Żebrowski, el reta fotaro de Pola Esperanto-Junularo, CC-BY-SA