Kara partoprenonto,
Gratulon! Vi atingis la sekvan paŝon por partopreni la venontan seminarion de TEJO, en kiu vi lernos pri sociaj temoj rilate al migrado, rifuĝintoj kaj azilpetantoj, estante konsciigita kaj trejnita pri la historiaj kaj sociaj kuntekstoj, realecoj kaj problemoj en niaj socioj.
Tiu ĉi projekto estas organizita de Tutmonda Esperantista Junulara Organizo (TEJO), kunlabore kun la Eŭropa Junulara Fonduso de Konsilio de Eŭropo.
Kiel komentite, ni ricevis pli ol tridek kandidatiĝojn kun diversaj profiloj el diversaj landoj de Eŭropo por partopreni la seminarion. Ni ĵus elektis vin el tiuj multaj kandidatiĝoj, kaj nun nia celo estas la pretigo de la plej bona sperto ebla por niaj partoprantoj kaj la kreado de singulara teametoso pri kiu ni interkonektiĝos kaj lernos pri kiel junuloj povas iniciati kaj administri spacojn por ke ili estu pli agordaj al Homaj Rajtoj.
Ĉi tiu InfoPakaĵo estas via ilaro por havi aliron al ĉiu informo necesa pri la internacia seminario, kiu okazos ekde la 27-a de Marto (alventago) ĝis mardo, la 2-a de Aprilo (forirtago) en Serrada di Folgaria, Italio.
Kaze ke vi havas eventualajn dubojn aŭ demandojn, vi povas kontakti David Ruíz Sánchez (kontaktinformaĵo sube) – nian projektomastrumanton.
Ĉu ni komencu? ☺️
Indekso
Kial ĉi tiu projekto estas realigata?
La projekto celas konsciigi pri la temo de multkulturismo kaj migrado inter junuloj de KdE-membroŝtatoj. Por atingi tiun ĉi celon, TEJO organizos internacian seminarion kun 20 junaj partoprenantoj (inter 18 kaj 35-jaraĝaj). Dum la seminario ni uzos metodologiojn pri neformala edukado (NFE) por helpi homojn pli bone kompreni la gravecon de konsciigo pri la Homaj Rajtoj de migrantoj, rifuĝintoj kaj azilpetantoj.
Kiel junuloj, ni konstatas ke estas necese esti ekipitaj per metodologioj kaj rimedoj, kiuj ebligos al ni la rekonon de interhomaj kondutoj kiuj ne sekvas la homajn rajtojn de migrantoj, rifuĝintoj kaj azilpetantoj, kaj trakti ilin per la iloj kiuj helpos la konstruadon de kulturo de paca kunvivado en diversaj socioj.
Ni efektivigas ĉi tiun projekton kiel porpaca junulara organizo, realigante ĝin kunlabore kun la interesitaj aktivuloj el nia membraro, vi!
Jen kial ni antaŭenigis ĉi tiun projekton! 💚
Kiu estas la ĉefa intenco?
La ĉefa intenco de la projekto estas trakti la urĝan bezonon de pliigado de kompreno kaj empatio al migrantoj, azilpetantoj, kaj rifuĝintoj, kaj antaŭenigi respekton kaj agnoskon pri iliaj Homaj Rajtoj. Pli specife, provizi 20 junulojn per la ŝanco lerni kaj poste trejni pri la multaj aspektoj de migrado. Post tio, vi povos plue pligrandigi ilian efikon kaj, dank’ al via aktivado kaj kunlaboro kun aliaj homoj kaj organizoj, vi povos helpi eĉ pli vaste konsciigi pri la temo kaj kontraŭbatali la diskriminacion de kiu suferas homoj en ĉi tiu situacio. Tiel, vi povas helpi al la plibonigo de la socia spaco kaj kontribui al pli civita socio.
Kiuj estas la celoj?
La projekto havas tri specifajn celojn:
- Kreskigi konscion: la projekto konsciigos pri la diversaj spertoj kaj defioj alfrontataj de migrantoj, azilpetantoj kaj rifuĝintoj en Eŭropo. La partoprenantoj lernos pri la realaĵoj de migrado kaj fluoj de rifuĝintoj, inkluzive de la kialoj, kial homoj estas devigitaj forlasi siajn hejmojn, la defiojn, kiujn ili alfrontas dum siaj vojaĝoj, kaj la baroj, kiujn ili renkontas en la landoj kiuj gastigas ilin.
- Antaŭenigi dialogon: la projekto antaŭenigos dialogon kaj interŝanĝon inter junuloj el diversaj fonoj. Partoprenantoj okupiĝos pri konversacioj kaj agadoj kiuj antaŭenigas reciprokajn komprenon, empation, kaj respekton al diverseco. Per ĉi tiu interŝanĝo, partoprenantoj lernos pri malsamaj perspektivoj kaj spertoj rilataj al migrado kaj rifuĝintofluoj en Eŭropo, kaj disvolvos kapablojn kaj strategiojn por kunhavigi ĉi tiujn sciojn al iliaj komunumoj.
- Kapabligi junulojn: la projekto rajtigos junulojn agi pri aferoj rilataj al migrado kaj Homaj Rajtoj. Per samnivela sinergia lernado, partoprenantoj disvolvos kapablojn kaj fidon por antaŭenigi respekton por diverseco, kontraŭbatali diskriminacion, kaj pledi por la Homaj Rajtoj de migrantoj, azilpetantoj, kaj rifuĝintoj. Ebligante junulojn agi pri ĉi tiuj aferoj, la projekto celas krei pli inkluzivan kaj bonvenigan Eŭropon por ĉiuj.
Antaŭ la seminario, kiu okazos ekde la 27-a de Marto (alventago) ĝis mardo, la 2-a de Aprilo (forirtago) en Serrada di Folgaria, Italio, ni realigos retan interkonan sesion je semajno antaŭ ĝia komenco, tiel ni povos koni unu la alian kaj havi lastan sesion pri duboj kaj demandoj rilate al la seminario.
La detala programo de la 5-taga seminario estos kundividita kun vi tuj antaŭ la trejnado, tamen ni jam povas diri al vi, ke la labormetodoj de trejnado estos plejparte la metodoj de neformala edukado (NFE) kaj sperteca lernado. Ĉi tio inkluzivas kreskigi kritikan pensadon por ebligi al lernantoj pensi laŭ kompleksaĵoj kaj diskuti sentemajn temojn.
Kelkaj faktoj pri la projekto
📍 Kie? La seminario, okazigota en Serrada di Folgaria, estos realigata en la nordo de Italio, en la regiono Trentino Alto-Adige. Jen informoj pri la seminariejo:
- Nomo: Hotel Lares
- Adreso: Via Enrico Fermi 44, 38064 Serrada di Folgaria (TN)
- Koordinatoj: 45°53’53.7”N – 11°9’21.4”E
- Telefonnumero: +39 0464 727129
- Retadreso: lares@mhhotels.eu
🗓️ Kiam? Inter la 27-a de Marto ĝis la 2-a de Aprilo (inkluzivante vojaĝtagojn: entute, 5 tagoj da seminario kaj 2 da vojaĝigado)
- Alvenhoro: la 27-a de Marto iam ajn dum la tago, tamen estu atenta pri la horaroj de publika transporto! Sube alkroĉataj pri kiel atingi kaj eliri la vilaĝon.
- Revenhoro: la 2-a de Aprilo antaŭ la 12h00 el la seminariejo.
👥 Kun kiu? Vi ekkonos homojn venantajn el Belgio, Danio, Francio, Germanio, Hispanio, Katalunlingvio, Litovio, Nederlando, Pollando kaj Slovakio.
Administraj informaĵoj
Antaŭ aĉeti la biletojn, bonvolu sendi vian vojaĝplanon kun la lokoj, proponata buĝeto, datoj kaj horoj je via vojaĝo al david.ruiz.sanchez@tejo.org, aŭ telegrame @DavidoEO. Tiel, ni povos konfirmi al vi la korektan efektivigon de estonta repagado. Post ricevi konfirmon de ni, vi povos efektivigi la aĉeton de vojaĝbiletoj.
Ni povos repagi ĝis 200 € de la entuta kosto de la vojaĝkostoj.
✈️ Kaze ke vi aĉetas aviadilbiletojn, bonvolu peti al aviadilfirmaon la kvitancon konforme al vi efektive realigis tiun ĉi pagaĵon. Grave: estas necesa havi kaj la kvitancon kaj la enirpermisilojn (anglalingve: boarding passes) kiuj montras la efektivan aĉeton de la biletoj.
Por faciligi ĉi tiun repagsistemon, bonvolu sendi ĝin al david.ruiz.sanchez@tejo.org. Se vi skanas aŭ prenas foton de viaj enirpermesiloj, certigu, ke ili povas esti enmetitaj sur unu malplena paĝo de la papero (bonvolu uzi malplenajn fonojn anstataŭ hejmajn tapiŝojn aŭ viajn katojn en la fono ĉar ni devos montri ilin).
Ĉi tiu seminario estas ofertata kaj subvenciata nur por la membroj de TEJO. Kaze ke vi ne estas ankoraŭ individua membro de TEJO dum 2024, ne zorgu: vi povas esti parto de la membraro de nia organizo per tiu ĉi ligilo. Memoru ke estas nepra postulo por partopreni niajn internaciajn projektojn kaj seminariojn subvenciatajn!
Vojaĝplanoj
En tiu ĉi sekcio ni prezentas kelkajn eblecojn por atingi la seminariejon. Konsultu la sekvajn ttt-ejojn por havi pliajn informojn kaj ĝisdatajn horarojn.
- Skyscanner (por la flugoj)
- Trenitalia kaj Italotreno (por la trajnoj)
- Itabus kaj Flixbus (por interurbaj busoj)
La sekvaj itineroj estas la plej konsilindaj laŭ tempo, distanco, komforto kaj ŝparemo. Krom se la malo estas indikita, ili validas ire kaj revene.
✈️ Aviadile
La plej proksimaj flughavenoj estas tiuj de Venezia, Treviso, Verona, Bergamo kaj Bolzano.
🚌 Trajne kaj buse
La plej granda urbo proksime al Serrada estas Rovereto (TN). Oni povas facile atingi ĝin kaj buse kaj trajne (ĝi situas sur la linio Bologna-Brennero). El Rovereto estas busoj por atingi kaj rekte kaj nerekte Serrada, kie situas la Seminariejo.
🚗 Taksie, bicikle kaj aŭte
Bedaŭrinde, la projekto ne kovros elspezojn pri alvenoj kaj revenoj per tiuj ĉi veturiloj.
La seminariejo
La ĉambroj estas 4-litaj, eta kaj ĉarma hotelo, je nia plena disponeblo, 500 metrojn for de la hotelo troviĝas skilifto por iri skii, kaj cirkaŭe tuj atingeblaj estas montarvojetoj kaj mirindaj panoramoj. Se vi estas scivolema, vi povas kontroli ilian retejon ĉi tie!
⚠️ Gravaj rimarkoj:
- Ĉiuj manĝoj de IJF estos nur vegetaraj aŭ veganaj. Kompreneble, estos tute permesate por partoprenantoj kunporti kaj manĝi viandaĵojn en la seminariejo.
- En la tuta seminariejo hejmbestoj estas malpermesataj, kaj oni ne rajtas fumi ene de la konstruaĵoj.
- La litoj devas esti uzataj kun littukoj: vi povas aŭ kunporti viajn proprajn littukojn, aŭ uzi la surlokajn. Uzi dormosakon en la lito estas malpermesite.
- La organizantoj ne surprenas respondecon pri damaĝoj al sano aŭ al posedaĵoj de partoprenantoj, kiuj okazas dum la aranĝo. La kostoj de eventualaj damaĝoj al la seminariejo kaŭzitaj de partoprenantoj estos kovritaj de tiuj partoprenantoj mem, kiuj kaŭzis la damaĝojn.
Kostoj
Ni kredas je unu afero, la potenco de porhomrajta edukado kaj la rajto por ĉiuj havi ŝancon trejnistiĝi. Tial, dank’al la kunlaborado kun la European Youth Foundation, ni povas provizi ĉi tiun seminarion por vi PRESKAŬ SENPAGE.
Ni kovros la koston de via:
- vojaĝo al kaj reen el Italio;
- loĝado dum la seminario;
- manĝaĵoj dum la seminario;
- subteno en la kreado de via postaktivaĵo;
- ŝanco aliĝi al reto de esperantistaj homrajtkonstruantoj ĉirkaŭ Eŭropo;
- memplikapabligado kaj plikonatigado;
- kotizo por la Internacia Junulara Festivalo, okazigota samtempe kaj samloke ol la seminario.
Kaj, vi devos sendi la partoprenkotizon de 55 eŭroj antaŭ la 29-an de Februaro al la jena bankkonto:
- Nomo de la konto: Wereld Esperanto-Jongeren Organisatie
- IBAN-konto: NL40 BUNQ 2291 0039 33
- BIC-kodo: BUNQNL2A
- Priskribo: Nomo + Familia Nomo + Partoprenkotizo Seminario (Ekz. Alda Merini Partoprenkotizo Seminario)
Komunikilo
Kiel ĉefa komunikilo, ni uzos Telegram: aliĝu al la teamo de trejnotoj ĉe Telegram je via poŝtelefono aŭ komputilo. Ni uzos ĉi tiun ilon kiel nian ĉefan referencon kaj kontaktpunkton.
Bonvolu aliĝi al la grupo antaŭ la 25-a de Februaro!
Kion ni volas de vi?
Ĉi tiu seminario, kun ĉio, kunigas multajn temojn kaj fakojn. Sed krome, danke al European Youth Foundation, ni povas doni ĝin senpage. Tial ni petas vin:
- Bonvolu certigi, ke vi pretas partopreni ĉiujn projektajn agadojn;
- Pensu pri viaj privilegioj kaj la ŝancoj kiujn vi havas;
- Memoru, ke ni ne povas repagi viajn vojaĝkostojn por pli ol la limo de la projekto. Aliaj kostoj venos el via propra buĝeto;
- Ni bonkore petos vin aĉeti la plej ekonomian vojaĝon al Italio (inkluzive de neniu 1-a klaso aŭ kroma pakaĵo);
- Plue, por la 5-taga seminario, ni petas vin ne kunporti aldonan valizon/pakaĵon. Ne estas granda bezono alporti aĵojn, kiujn vi povas uzi unufoje. Pensu nur alporti aferojn, kiujn vi uzos almenaŭ 2/3 fojojn dum via vojaĝo (kaj evitu la ‘ĉiaokazajn pakaĵojn’, bonvole!);
- Esti ekologiema dum planado de via vojaĝo ankaŭ estas pli ol bonvena!
Ĉu mi alportu ion specialan?
- Pretecon lerni kaj kontribui al la lernado de aliaj;
- Unuajn pensojn pri tio, kion vi ŝatus okazigi pri la temo de la seminario post ĝi;
- Viajn plej ŝatatajn aferojn el la hejmo (manĝaĵoj, dolĉaĵoj, frandaĵoj, trinkaĵoj, ludoj, rakontoj, libroj) — por ke vi povu kunhavigi ilin dum kafopaŭzoj, interalie;
- Sapon kaj ŝampuon (ne necesos pli ol 2 × 100 ml);
- Tekkomputilon aŭ tablojdon (sed ĝi ne estas deviga);
- Sanasekuron (ni proponas Eŭropan Sanasekurkarton);
- Vian botelon da akvo. Pensu pri la medio;
- Vian kajeron;
- Biletajn kvitancojn! Havu preta viajn trajn/flugbiletojn.
Nia teamo
Wojtek Oreszczuk
Polo laŭ pasporto, mondcivitano laŭ elekto. Diplomiĝis de juraj kaj ekonomiaj studoj kaj profesie laboris kiel junulara laboranto kaj projekta kunordiganto. Ekde esperantiĝo laboris en oficejo de TEJO (interalie por projekta fako) kaj agadas por pluraj Esperanto-iniciatoj. Li estas ankaŭ aktivulo de aliaj movadoj: klimata Formorta Ribelo kaj pormigranta Senlandlimisma Reto, kiuj pace batalas por socia justeco kaj homaj rajtoj.
Teorie senhejmulo kaj senlaborulo, Wojtek sentas sin hejme ĉie ajn kaj ĉiam havas multe por fari en sia aktivula vivo kaj li tre antaŭĝojas kunlabori kun vi baldaŭ en Italio!
- Retpoŝtadreso: wojciech.oreszczuk@gmail.com
- Telegramkonto: @WojtekOre
Albert Stalin T. Garrido
Albert estas filipina esperantisto. Li diplomiĝis pri geografio kaj kiel universitata studento komencis aktivi por demokratio kaj homaj rajtoj. Li estas trejnisto kaj plurjara aktivulo de TEJO, prezidanto de 2022 ĝis 2023. Li ankaŭ aktivas en la filipina esperantista movado. En 2021 li translokiĝis al Hispanio por labori kiel instruisto.
Albert forte pledas kontraŭ rasismo kaj por pli inkluziva kaj humana politiko pri enmigrintoj kaj rifuĝintoj en Europo. Li estos unu el viaj faciligantoj dum tiu ĉi KdE-seminario!
- Retpoŝtadreso: albertstgarrido@gmail.com
- Telegramkonto: @ASTGarrido
David Ruíz Sánchez
David estas eksterrilatisto kaj trejnisto de TEJO. Li havas universitatajn konojn pri klasika filologio, historio kaj arĥeologio, ankaŭ havas kapablojn pri NFE-metodologioj kaj projektmastrumado, interalie. Li forte kredas en defendado de homaj rajtoj, prenante kernan rolon la defendo de lingvaj rajtoj kaj Esperanto por kontrui socion pli pacan. David pritraktos la administran flankon de tiu ĉi seminario!
- Retpoŝtadreso: david.ruiz.sanchez@tejo.org
- Telegramkonto: @DavidoEO
Kontakto
Por administraĵoj kaj pliaj informoj, bonvolu kontakti David Ruíz Sánchez.
📲 Sekvu TEJO-n en niaj sociaj retoj por koni plien pri niaj estontaj malfermaj alvokoj pri projektoj kaj iniciatoj!
Kreante pontojn per Interkomprenigo: Homaj Rajtoj kaj Migrado en la ĉi-jarcenta Eŭropo estas projekto kunfinancata de la European Youth Foundation de Konsilio de Eŭropo.
La enhavo de la paĝo reprezentas nur la vidojn de la organizo kaj estas ilia sola respondeco. Konsilio de Eŭropo ne akceptas ajnan respondecon pri la uzo kiu povas esti farita de la informoj kiujn ĝi enhavas.