TEJO | Tutmonda Esperantista Junulara Organizo

TEJO promotes international understanding through meetings, educational programmes and the use of the international language, Esperanto.

The organization defends cultural richness of language diversity, human rights of language minorities and global understanding through easy access to our network of international contacts. The use of the neutral and international language Esperanto is the cornerstone of our efforts.

• Activity
• Documents

Ankaŭ ĉi-jare la fonduso "Partoprenu IJK-n" povis helpi al la membroj de TEJO vojaĝi al la plej bunta evento de la jaro - la IJK! La fonduso disponigis tiun ĉi fojon 1100 eŭrojn. Pro tio ke la konkurso estis plilongigita, ni ricevis lastmomente plurajn kandidatiĝojn kaj la decido ne estis facila. Post longa cerbumado estis elektitaj la gajnantoj:

Arina OSIPOVA el Rusio

Manal EL-TAYAR el Libano

Morayma MARTĺNEZ el Meksiko

Daniel MORENO el Meksiko

Ni gratulas ilin kaj dankas al ĉiuj kiuj kandidatiĝis. Plej ĝuan IJK-n!

Okaze en la Brazila Esperantista Junulara Kongreso (Sekcio de la
Brazila Kongreso de Esperanto), en asembleo, elektiĝis nova estraro
por BEJO. La estraro konsistas je:
Prezidanto: Leandro Moreira, el Fortaleza-CE (gajninto de la konkurso "Partoprenu IJK-n", LKK-ano de BKE 2008, studanto pri Psikologio);
Sekretario: Felipe Queiroz, el Florianopolis-SC (prezidanto de BEJO
dum 2006-2008, Komitatano A de TEJO, studanto pri Geografio);
Kasisto: Rafael Lins, el Salvador-BA (kreinto de la reto de reprezentantoj de BEJO, studanto pri Historio).
Poste novaj noticoj diskonigxos.

LA ESTRARO.

Tradicie dum IJK!

Denove la trejnseminario “Flugiloj de Malfacila Vento” invitas ĉiujn junajn instuantojn kaj instruemulojn de Esperanto!

La trejneminario okazos enkadre de IJK en la urbo Szombathely
(Hungario), kiu pasos de la 26-a de julio ĝis la 2-a de aŭgusto.

La trejnseminario (8 studunuoj po 1,5 horoj) konsistos el 2 temaj partoj: la metodika kaj la gramatika. La metodika parto enhavos la sekvajn teoriajn temojn: instrumetodoj; bazaj principoj de instruado; planado de leciono; lerniloj. Dum la praktika parto bezonatos prezenti instruadon de lecion-fragmento. En la gramatika parto estos traktataj – teorie kaj praktike – malfacilaĵoj de la Esperanta gramatiko.

Hodiaŭ estas datreveno de fondiĝo de IREJO (Irana Esperantista Junulara Organizo) kaj fakte komenco de organiza movado en Irano.

Saluton karaj!

Kiel vi certe scias maje okazis kunveno de Pola Esperanto-Junularo. Dum ĝi inter alie estis elektita nova estraro de nia organizo. Por la periodo 2008-2010 elektitaj estis: Łukasz Żebrowski (prezidanto), Agnieszka Rzetelska (vicprezidanto), Justyna Rusznica (sekretario), Leszek Dobrowolski (kasisto) kaj Łukasz Korczewski (estrarano por reta agado).

Tamen jam nun ni volas inviti vin al nia sekva renkontiĝo, kiu okazos inter la 20-a kaj 24-a de aŭgusto 2008, kadre de la 31-a Tutpollanda Esperanto-Kongreso en Łódź. La Kongreson PEJ-membroj rajtas partopreni senpage. Kiel kerna programero rolos por ni certe kunsido de PEJ, sed en abunda movada kaj distra programo de la kongreso oni povas trovi aliajn valorajn eventojn. Krom kutimaj primovadaj renkontiĝoj, prelegoj kaj diskutoj, okazos ankaŭ aparte interesaj ekskursoj kaj artaj vesperoj. Sabate, tuj post nia kunsido koncertos JoMo.

Pli detalaj informoj kaj aliĝilo troveblas en la retpaĝo.

ATENTON! Ni petas aliĝi antaŭ la 9-a de aŭgusto 2008. Por tiuj, kiuj aliĝos poste povas ne sufiĉi lokoj dum ekskursoj senpagaj por PEJ membroj.

Amike,
LukiZ

La reta (plenkolora) pdf-versio de "Kontakto 2008:2" jam haveblas ĉe la Reta Jarlibro de UEA (vizitu http://reto.uea.org/ kaj elektu la sekcion "Teko"). Ĉi numero havas la temon "Teknologioj kaj scienco".

Mi kore invitas vin kontribui al la sekvaj numeroj, kies temoj estas:
Numero 224 (2008:3). La ĉef-temo – "Edukado tra la mondo" (la limdato – la 1a de junio)
Numero 225 (2008:4). Politikaj unioj - ĉu vere unuecaj?. (la limdato 1a de aŭgusto)

Ankaŭ alitemaj kontribuoj, proponoj kaj atentigoj estas bonvenaj kaj tre atendataj!

Amike,
Paŭxlo Moĵajev, Kontakto-redaktoro

La tria numero 2008 de TEJO Tutmonde (pdf) jam legeblas en la Reta Jarlibro http://reto.uea.org/

De ĵaudo la 18-an de septembro ĝis merkredo la 24-an okazos en Italujo nova junulara aranĝo, iom malsimila de la ĝisnunaj. Ĝia nomo estas 1a Semajno de Kulturo Internacia (SKI), sed ĝi ne okazos sur neĝo...

Korea Esperanto-Junularo okazigas "Junulara Somera Esperanto-Kurskunveno 2008"n ekde 22a ĝis 24a de venonta aŭgusto. Dum tiu periodo samtempe kaj samloke okazos ekspozicio pri la kulturo de Esperantujo. La kurskunveno celas bone prezenti Esperanton kaj ĝian propran kulturon al koreaj junuloj, kiuj malpli aĝas ol 30. Kaj ni aranĝos ĝin ankaŭ por pli vigligi junularan movadon, kaj diskonigi agadojn de Korea Esperanto-Junularo. Gvidantoj estas Song Ho-young, Jeong Eun-gyeong, Jeong Hyeon-su. Ejo estas junulara gastejo de "Korea Universitato pri Fremdaj Studoj" situanta en Daecheon, Koreio. Eblas aliĝi per gloro ĉe saluton.net

Song Ho-young
Prez. de Korea Esperanto-Junularo

Estimataj,

Plezure mi invitas vin partopreni la 34an Katalunan Kongreson de Esperanto okazonta en Sabadell la 6an, 7an kaj 8an de decembro 2008.

La Katalunaj Kongresoj de Esperanto kunigas altnivelajn prelegojn kaj riĉan artan programon kun unuarangaj gastoj el diversaj mondopartoj. Krome, okaze de la Internacia Jaro de Lingvoj kaj kvazaŭ antaŭmanĝo, la semajnfinon antaŭ la kongreso okazos serio de prelegoj kaj rondaj tabloj en la kataluna pri lingvaj rajtoj, lingva diverseco kaj lingvoj kaj paco fare de reprezentoj de elstaraj katalunaj organizoj.

Ni multe ĝojas por la dua sinsekva jaro povi prezenti la plej brilan esperantoaranĝon en Hernusando, aranĝatan de la Hernusanda Esperantista Klubo kaj SEJU. Inter la 5-a kaj la 7-a de septembro ni renkontiĝos ĉi-jare, amuziĝante almenaŭ same multe kiel pasintjare!

Saluton!

Kien iri somere?

Ni proponas

SOMERE
Somera Mezeuropa Renkontigho
1a ĝis 17a de aŭgusto 2008
(vendredo ĝis dimancho)

en Kall-Krekel, Germanio, inter Kolonjo kaj Trier, en la mezmontaro Eifel.

Kunvenos ĉ. kvardeko da homoj el proksimume ses landoj; ni pasigos somerajn tagojn, ĝuos la naturon, ludos, babilos, aŭskultos prelegojn kaj ekskursos. Se vi volas sperti
internacian Esperanto-etoson, pasigi agrablajn feriojn, praktiki
Esperanton aŭ eklerni la lingvon - jen renkontiĝo por vi.

Ĉi-jare ni planas ne nur somerumi, sed ankaŭ iom kulturumi. La
unuajn programerojn vi trovos. Ni intencas enmeti ankoraŭ interalie koncerton, skeĉojn kaj ion pri literaturo. Ja ĉi-jare okazos nek KEF nek FESTO - eble ni povos renkontiĝi SOMERE kaj KULTURE en Kall-Krekel, ĉu? Ĉu vi havas proponon?

INTERNACIA STUDUMO PRI TURISMO KAJ KULTURO
KLERIGEJO DE LA INTERNACIA AKADEMIO DE LA SCIENCOJ

STR. M.SKŁODOWSKIEJ-CURIE 10, 85-094 BYDGOSZCZ
tel./fax: (+48-52) 346-11-51 - e-mail: andreo@rubikon.net.pl

NI INVITAS AL STUDADO DE TURISMO, KULTURO KAJ LINGVOJ en 2008/2009

Internacia Studumo pri Turismo kaj Kulturo estas trijara nepublika lernejo funkcianta ekde 1991, laŭleĝe registrita ĉe Kuratorio pri Edukado en Bydgoszcz (n-ro 232/94) kaj ĉe la Urbestro de Bydgoszcz (n-ro 51/99). En 1996 la studumo akiris la statuson de klerigejo de la Akademio Internacia de la Sciencoj (AIS) San Marino. En la studumo instruadas lekciistoj de AIS kaj AIS-Klerigejo Bydgoszcz (AKB), Internacia Esperanto-Instituto (IEI) en Hago, Universitato de Kazimiro la Granda en Bydgoszcz (UKW), Ekonomia Altlernejo en Bydgoszcz, Kujavia-Pomerelia Centro por Edukado de Instruistoj, Vojevodia Kulturcentro en Bydgoszcz, krom tio ĵurnalistoj kaj spertuloj de Pola Turisma-Landkona Societo, Societo de Amikoj de la Urbo Bydgoszcz, Internacia Centro pri Kulturo kaj Turismo „Kujavio kaj Pomerelio”, Pola Esperanto-Asocio kaj Oficejo de Vojagxantoj „Flugo”.

Karaj kolegoj biciklantoj kaj piedturistoj,

mi kore invitas vin por partopreni la tradician ekoturisman renkontiĝon EKOTUR por biciklantoj kaj piedturistoj, kiuj jam kelkajn jarojn funkcias kiel kunigitaj antaŭaj IBIRE (nur por biciklantoj) kaj Ekotur (nur por piedturistoj). Memkomprene oni havos apartajn itinerojn dumtagajn, sed komunajn programojn vesperajn. Oni loĝos en Karlštejn proksime de Prago kaj stelforme turismos en pitorska regiono de Bohemia Karsto kaj orienta parto de la vasta montetaro Brdy.

Pli detalajn informojn kaj aliĝilojn vi trovos ĉe la retpaĝo. Eventualajn demandojn mi volonte respondos.