Ni ĝojas prezenti al vi la novan volontulon de TEJO Clément Baleyte!
El kiu lando vi estas?
Mi estas el Francio, precize el Bordozo.
Kion vi faras en via eksterEsperantuja vivo, rilate al studoj kaj laboro?
Mi studis kaj diplomiĝis pri arta historio kaj arĥeologio. Mi ankaŭ laboris en turismo, ĉefe kultura turismo.
Viaj ĝisnunaj esperantaj aktivaĵoj?
Mi nur partoprenis diversajn eventojn kun la asocio de mia regiono (Espéranto-Gironde) kaj la universitata klubeto.
Kion vi ŝatus gajni kaj lerni de via volontulado?
Mi ŝatus akiri sperton, pri aferoj pri kiuj mi ne kutimas, kaj pli lerni pri la movado.
Kion signifas por vi esti esperantisto?
Laŭ mi, Esperanto estas pli ol nur lingvo. Preter la lingvo, ekzistas ideoj, kiuj instruas al ni komunajn homajn valorojn. Esti esperantisto estas konduki sian vivon provante protekti tiujn valorojn per Esperanto.