La Komisiono pri Eksteraj Rilatoj de TEJO serĉas kandidatojn por partopreni la konferencon de UNOY (United Network of Young Peacebuilders) en Hago, Nederlando, inter la 18-a kaj 22-a de septembro 2018.
UNOY estas tutmonda reto de packonstruantaj junularaj organizoj – do organizoj, kiuj per sia laboro iel kontribuas al monda paco. Ĉar ankaŭ TEJO povas esti konsiderata tia organizo, ĝi ekde ĉi-jare membras en UNOY.
La konferenco temos pri tio, kiel pozitivaj, pacemaj rakontoj povas kontraŭi la nuntempan tendencon timi “eksterulojn” kaj paroli negative pri aliaj sociaj grupoj. En la angla: “Shaping the Narrative”.
Vi povas kandidatiĝi se vi aĝas sub 30 kaj regas la anglan. Viaj vojaĝ- kaj partoprenkostoj estos financitaj de UNOY kaj TEJO. Limdato por kandidatiĝi estas jam la 30-a de junio.
Jen informoj pri la konferenco kun aliĝilo: http://unoy.org/opportunities/call-for-participants-2/
Se vi interesiĝas, bonvolu rapide kandidatiĝi laŭ la supra ligilo kaj informi nin ĉe ker@tejo.org
Se vi bezonas helpon por via aliĝilo, vi povas kontakti ker@tejo.org, ana@tejo.org kaj/aŭ klara@tejo.org