Home > Volontulado

 

ENKONDUKO

Volontuli en alia lando estas bonega maniero por sperti malsamajn kulturojn kaj ekhavi novajn amikojn, dum oni ankaŭ helpas aliajn kaj samtempe eblas lerni novajn kapablojn, kiuj povus esti utilaj en posta vivo. Volontula laboro daŭre restas ĉefa motoro de progreso de esperantaj projektoj kaj de funkciado de esperanto-organizoj. Ĉiu volontulado generas tamen iujn kostojn, kion devas alfronti la gastigantaj organizoj. Bonŝance aperas eblecoj por kovri tiujn kostojn, kaj ne nur tiujn! Danke al subteneblo per diversaj programoj organizoj povas inviti junajn volontulojn por kunlabori kovrante multajn aŭ eĉ ĉiujn vivkostojn! Speciale por vi ni kolektas informojn pri diversaj programoj kaj volontulebloj en esperantaj organizoj. Ĉu vi pretas dediĉi vian tempon por evoluigi laborojn de Esperanto-organizoj, por disvolvi E-projektojn, por sperti vivon en alia lando, ekkoni novajn E-istojn, pliboniĝi en Esperanto kaj lerni novajn aferojn? Se jes, jen la loko por vi!

Ĉi tie vi povas trovi plurajn informojn pri la malsamaj tipoj de volontulado, ekscii pri la programoj kaj kompari ilin. Ni esperas ke vi trovos por vi taŭgan lokon por volontuli!

EBLOJ VOLONTULI

Eŭropa Volontula Servo
La programo 'Civita Servo'

Rimarko: Se vi scias pri aliaj, ĉi tie nemenciitaj volontulebloj ĉe Esperanto-organizoj, nepre informu nin!

 

EVS DETALE

Kiel trovi EVS-volontuladon? Kiel tio funkcias?

 

KIE VOLONTULI?

TEJO per EVS
UEA per EVS
UEA sen programo
E@I per EVS
Bjalistoka Esperanto-Societo per EVS
Armor-Esperanto per Civita Servo
Esperanto-Kultur-Centro de Tuluzo per Civita Servo