Home > Agadoj > Informado
radio

UEA-konto

Universala Esperanto-Asocio (UEA) havas internan kontosistemon por siaj membroj. Se oni havas sufiĉan krediton en sia konto, oni povas peti pri la ĝiro mesaĝante al financoj@co.uea.org. Eblas ĝiri ankaŭ pere de landaj perantoj. Farante la ĝiron bonvolu priskribi ke temas pri donaco por TEJO kaj indiki la celon de la kontribuo.

Pagokarto

Bonvolu uzi sekuran formularon en la retpaĝo de UEA. Indiku viajn personan kaj familian nomon, kaj retpoŝtan adreson. Ĉe la pago-celo elektu "Donaco al TEJO". Bonvolu ankaŭ precizigi celon de la kontribuo ĉe la kampo "Akompanaj notoj, klarigoj". Sekve bonvolu indiki la sumon de la kontribuo, tipon kaj numeron de via karto, la tri-ciferan kontrolnumeron (CVV), kiu troviĝas dorse de la karto kaj la daton de valideco de la karto.

PayPal

Banka Ĝiro

Universala Esperanto-Asocio (UEA) havas kontojn en pluraj bankoj kaj poŝtbankoj. Detalojn bonvolu vidi ĉe la UEA-paĝo pri pagmanieroj. Atentu pri eventualaj aldonaj bankokostoj kiujn la bankoj povus subtrahi de la sendota sumo. Pagoj inter SEPA-landoj (EU-landoj, Islando, Liĥtenŝtejno, Monako, Norvegio kaj Svislando) okazas kiel enlandaj pagoj, ofte sen aldonaj kostoj.

 

Komisiono pri informado

Helpu por ke la mondo sciu pli pri TEJO kaj Esperanto! La komisiono pri informado atendas vin, helpu pri afiŝoj, retpaĝo, ideoj, sociaj retejoj, prelegoj, ktp. Skribu al informado@tejo.org!

Informiloj

Flugfolioj estas tre gravaj partoj de la varbadstrategio pri Esperanto. Ne nur ilia enhavo (allogaj informoj pri Esperanto, kontaktinformoj por interesiĝantoj) sed ankaŭ ilia aspekto tre gravas por efika informado. Por atingi diversajn celpublikojn estas bezonataj diversaj informiloj. Por atingi la junulojn, TEJO en 2012 kreis la unustilan informilon de TEJO, kiu estas por uzo en budoj de ĉiuj landaj sekcioj.

Retpaĝo tejo.org

La retpaĝo tejo.org estas la ĉefa ekstera bildo de TEJO kaj de junulara Esperantujo. De aprilo ĝis novembro 2014 okazis ĝia kompleta renovigo. Estis konceptita tute nova strukturo de la retpaĝo, estis instalita nova sistemo (WordPress), plenigita per informoj, ornamita per pluraj bildoj kaj jen provversio aperis en la reto la 20-an de novembro 2014. Nun daŭras ĝia testado jam en reala funkciado kaj do necesas ankoraŭ plibonigi ĝin. Ĉu vi volus kontribui al ĝia plibonigo? Vidu la paĝon tejo.org – kiel helpi?.

T-Ĉemizoj

Se vi deziras unu el la mojosaj t-ĉemizoj de TEJO aŭ de Kontakto, en la paĝo pri T-ĉemizoj eblas kontroli ĝian haveblecon kaj rekte mendi ĝin per la reta mendilo sube. Vi ankaŭ povas skribi por mendoj kaj informoj al oficejo@tejo.org. Daŭre haveblas pluraj modeloj kaj koloroj: aĉetu por vi, aŭ faru belan kaj utilan donacon al viaj karuloj! Per tiu ĉi eta ago, vi samtempe subtenos la asocion kaj ĝiajn aktivecojn. La gajnoj de vendado nuntempe iras al Fonduso Trampolino, kiu helpas TEJO-membrojn lanĉi siajn proprajn projektojn. Ni antaŭdankas vin!

Fot. kapa Łukasz Żebrowski, ĉefa Radio Polska Live, ambaŭ el reta fotaro de Pola Esperanto-Junularo, CC-BY-SA